Computer Case (system unit) types
في البداية
في معلومة خاطئة عند معظم الناس عايزين نصححها و هي انهم بيسموا (الكيسة) بإسم CPU و ده غلط لأان ال CPU هو وحدة المعالجة المركزية و اللي هنشرحها بعد كدة بالكامل فالأسم الصحيح ل (الكيسة) هو Case او (System unit) و دول المصطلحين اللي هنستخدمهم في الشرح
هل أنت محتاج تعرف أي معلومات قبل ما تقرأ المقالة دي ؟
الإجابة لأ لأن احنا هنبدأ معاك من الصفر لحد ماتفهم كل حاجة
أنواع ال (case) او ال (System unit)
أول ما بتفكر تجمع جهاز جديد أول حاجة بتيجي في دماغك ال Case لأنها زيها زي أي قطعة ثانية في الجهاز ليها أنواع و أحجام و إمكانيات و كل موديل ليه سعره
و أول سؤال هيجي في بالك دلوقتي ايه الأنواع دي
الأنواع الموجودة من ال case بتصنف حسب حجمها و هي
full tower, mid tower, mini tower, slim line, small form factor
و اعرف أسمائهم بالإنجليزي لأن ده الأسم المستخدم في السوق و كمعلومة ليك في المجال ده ماتحاولش تترجم كل حاجة بالعربي لأنك هتلاقي نفسك مش فاهم لو قعدت مع حد او قدام حد فاهم في المجال ده او و انت بتشتري
طب أنا عرفت الأنواع بس مش عارف ايه الفرق بينهم
الفرق بيكون في حجم ال case و بيعتمد اخنيارك علي عدد الأجزاء اللي هتركبها داخل ال case يعني كام hard disk و كام RAM و كام CPU و كذلك ال GPU فعلي حسب الإمكانيات بتختار ال case اللي حجمها مناسب ليك
أولا :- Full tower case
بيكون ارتفاعها حوالي 30 انش (أكثر من 76 سم) و بيتراوح عدد ال hard disks فيها من 6 ل 10 و ده أكبر حجم من ال case و بستخدم للسيرفرات و بيتحمل أكبر أنواع ال motherboard و اللي هنشرح أنواعهم بالتفصيل في مقالة منفصلة
ثانيا :- Mid Tower case
أصغر من ال Full Tower و هي أكثر أنواع ال case استخداما و ارتفاعها من 18 ل 24 انش (من 45 ل 60 سم) و بتدعم من 2 ل 4 Hard disks
ثالثا :- Mini Tower case
نوع بيستخدم بنسبة قليلة بسبب صغر حجمه و بيكون ارتفاعه من 12 ل 18 انش (من 30 ل 45 سم) و بيدعم 2 Hard disks فقط بسبب صغر حجمه
رابعا :- Slim Line Case
ببساطة هي عبارة عن case يمكن تشغيلها في وضع أفقي ووضع الشاشة عليها
خامسا :- Small Form Factor (SFF) Case
هو عبارة عن نوع خاص بيصمم لتقليل المساحة المستخدمة لوضع الكمبيوتر علي المكتب و في منها أشكال و أحجام كثيرة منها الصنادوق والكوب و شكل الكتاب
case أشكال جديدة لل
الأشكال الجديدة تدعم اضاءات بشألوات مختلفة تعطي شكل
جمالي و تسمي هذه الإضاءة بإسم RGB
و هذه صور توضح ذلك
في النهاية
قم بإختيار ال case المناسب لك من حيث الحجم و ئلك بعد تحديد امكانيات الجهاز الخاصة بك
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.